Jul i Førdehuset

Laurdag 14.12.2024 
Jul i Førdehuset 
Velkommen til Jul i Førdehuset – ein dag fylt med ekte julestemning og aktivitetar for heile familien!
Den 14. desember forvandlast Førdehuset til eit førjulsparadis med noko for alle. 
Vi byr på  kunstustilling,  juleforteljingar,  konsertar frå Sunnfjord kulturskule,  julekino,  juleverkstad, leik og  ansiktsmaling. Nytt av året er ein nissequz der ein kan vinne kinobillett.
Sjølvaste julenissen kjem på besøk og er klar til å spele julesjakk – kanskje du tør å ta ein runde med han? I symjehallen kan de delta på undervatn-julequiz, og det er rabattert pris på julebadet for alle som vil ta seg ein dukkert.
Det blir også servert julegraut, og finn du mandelen, vankar det ein hyggeleg premie! I tillegg vert det lesestund i biblioteket, julebingo med søte gevinstar, og mykje anna å glede seg til. Ta med heile familien til ein dag fylt med glede, latter og julehygge! 
Detaljert program kjem snart!