"Alle har et syskenbån på Gjøvik", skreiv Alf Prøysen i si tid, men nærare sanninga er at alle har ein slektning i Amerika. I år er det 200-årsmarkering for norsk utvandring til USA. Dette blir markert på ulike måtar, og Fjellkoret har valt dette temaet for si 40-årsjubileumsframsyning i 2025. Med utgangspunkt i eit rikt repertoar og Fjellkoret si smittande songglede, har vi søkt innspel og samarbeid med akademia, arkiv, museum, bibliotek og lokale historie- og sogelag i Vestland og Rogaland.

Forteljarkvelden ved Sunnfjord Museum i Førde tidlegare i år gav oss nyttige idéar til framsyninga. Gjennom ord, tonar, drama og bilete har resultatet blitt ei doku-musikalsk framsyning om draumen om Amerika og vår migrasjonshistorie gjennom 200 år. Med skjemt og alvor, leik og moro, håp og forventning, sorg og glede, kjærleik og sakn, ønskjer vi velkomen til vår jubileumsframsyning i Førdehuset