Førdehuset fyller 50 år i 2026
I 2026 er det 50 år sidan Førdehuset opna dørene og blei ein sentral møteplass for kultur, idrett og fellesskap i regionen. Gjennom fem tiår har huset samla menneske til store opplevingar, kvardagsaktivitetar, frivillig engasjement og viktige møte, dette skal markerast gjennom eit heilt jubileumsår.
Sidan opninga i 1976 har Førdehuset utvikla seg til å bli eit kulturelt og sosialt samlingspunkt for heile Sunnfjord. Her har generasjonar opplevd konsertar, teaterframsyningar, idrettsglede, kino, konferansar og fritid. Jubileet skal løfte fram historia til huset, men også vise breidda i livet på Førdehuset i dag. Frå kultur og idrett til møteplassar, frivilligheit og store felles opplevingar.
Gjennom heile året vil det bli arrangert jubileumsaktivitetar i samarbeid med lokale lag, frivillige, kulturaktørar og samarbeidspartnarar. Hovudmarkeringa finn stad 5.–15. juni, med 12. juni som den store festdagen. Her ønskjer Førdehuset å hente fram att noko av stemninga og uttrykket frå den offisielle opninga i 1976.
Publikum kan vente seg ei feiring prega av kultur, historie, møte mellom menneske og gode opplevingar for alle aldrar. I tillegg til jubileumsdagane i juni blir det også ei eiga jubileumsveke til hausten, med fleire arrangement og markeringar.
Hovudkomiteen for 50 års jubileet ynskjer å invitere heile regionen med på feiringa av eit hus som gjennom 50 år har vore ein stad for opplevingar og aktivitetar.
Velkommen til alle.
Helsing Førdehuset og Sunnfjord Kommune
Program – Jubileumsveka
Fredag 05.06
• 18:00 : Kulturnatt – Vi står på stand og presenterer jubileumsprogrammet og haustens arrangement - Sørsia
Laurdag 06.06
• 10:00 : Førdesprinten - Symjestemne i symjehallen
Søndag 07.06
• 10:00 : Førdesprinten - Symjestemne i symjehallen
• 17:00 : Opning Jubileumsutstillling Sunnfjord Kunstlag
• 17:30 : Kino: Flåklypa Grand Prix (1975), som var ein av dei første filmane som blei vist i Førdehuset – billettar: 50 kroner
Måndag 08.06
• 1800 : Kino : Film frå 80-talet: E.T. the Extra-Terrestrial billettar: 50 kroner
Tysdag 09.06
• 07.30 : Poesi og Yoga i Førde Bibliotek
• 1700-1900 : Jubileumsutstilling Sunnfjord Kunstlag
• 18:00 : Danseverkstedet - Vårframsyning
• 18:00 : Kino: Film frå 90-talet: Jurassic Park billettar: 50 kroner
Ondag 10.06
• 11:00 : Kåseri, Reklamasjonsrett på livet - Eva Marie Halvorsen
• 1200 - 1300 : Jubileumsutstilling Sunnfjord Kunstlag
1700-1900 : Jubileumsutstilling Sunnfjord Kunstlag
• 18:00 : Kino: Film frå 2000-talet: Pirates of the Caribbean billettar: 50 kroner
Torsdag 11.06
• 07.30 : Poesi og Yoga i Førde Bibliotek
• 18:00 : Kino: Film frå 2010-talet: James Bond – Skyfall billettar: 50 kroner
• 1700-1900 : Jubileumsutstilling Sunnfjord Kunstlag
Fredag 12.06
• 1700-2000 : Jubileumsutstilling Sunnfjord Kunstlag
• 1030-1300 : Barnehagane besøker Førdehuset Gratisfilm, popkorn og aktivitet.
• 1200-1800 : Finalar i Førdesprinten
•1530-1630 : 5 meter kake i Festsalen
• 1630-17.35 : Jubileumsprogram i Storsalen
-Fanfare frå kulturskulen
-Premiere på jubileumsfilm Førdehuset
-Talar ved Jenny Følling og Anita Nordheim
-Panelet: historier frå dei som har leia, jobba og vore på Førdehuset: Liv Judith Straume, Ståle Haugen, Miriam Lund- Førde og Øystein Erland
-Musikkinnslag frå Sunnfjord Juniorspelemannslag og Indre Sunnfjord spelemannslag
• 1800-1840 : Barnekonsert – Jubelbrus: Good Time Charlie og barnekor
• 1830-1940 : Show - Høyt og lavt - en statusrapport fra Norges rikeste land BA Desken
og Rune Nilson billettar
• 1900-2200 : Ungdomsklubben har ekstra ope
• 2000-2045 : Asbjørn og Jorun spelar Cohen
• 2100-2300 : Dans - Indre Sunnfjord Spelemanslag og Naustedalen spelemannslag spelar opp til dans.
Laurdag 13.06
• 1000-1600 : Finalar - Førdesprinten
• 1100-1200 :Time med Friskis og Svettis
• 1200-1800 : Turnering i idrettshallen (Fotball)
• 1700-2000 : Jubileumsutstilling Sunnfjord Kunstlag
• 1900-2100 : Revy: Bygstadrevyen «Da går so da susa!» billettar
Søndag 14.06
• 17:30 : Kino: Film frå 2020-talet: Flåklypa – Fra Paris til Pyramidene billettar: 50 kroner
• 1700-2000 : Jubileumsutstilling Sunnfjord Kunstlag
Det kan komme endringar i programmet.
*billettar på www.fordehuset.no