Bli med inn i det tradisjonsrike lokalsamfunnet til argentinske cowboys og cowgirls, kjent som gauchoene. Dei lever framleis på hesteryggen i grenseland mot den moderne verda. I denne hybriddokumentaren vert ein rik kulturarv og eit utdøyande levesett på landsbygda hylla med klassiske og stiliserte spelefilmgrep. Det nordvestlege Argentina har eit vilt landskap av utstrekte sletter, kvite fjelltoppar og nådelaust buskterreng. Her finn vi det bankande hjarte av Gaucho-kulturen. Dette er i dag ville vesten i Argentina, der tida framleis står stille og generasjonar med gauchoer lever som dei alltid har gjort; av kveget og landet. I dette portrettet møter vi fleire fargerike maté-drikkande cowboytypar på hesteryggen. Vi får eit eksklusivt innsyn i familieliv der tradisjonane går fra generasjon til generasjon. Bygdelivet vert skildra i ei særeigen blanding av observerande realisme og kontrastfylt svart/kvitt -foto. Scenene i filmen er slåande vakre, og karakterane vi møter er stolte, steile og opptekne av å leve i pakt med dyra, naturen og vere tru mot seg sjølv. Det er lett å gløyme at dette er ein dokumentarfilm! Michael Dweck og Gregory Kershaw er ein amerikansk regissør-duo som tidlegare har stått bak filmar som utforskar nærmiljø som ikkje tidlegare er blitt vist mykje på film; som i «Trøffeljegerne fra Piemonte» som var ein stor suksess på kino