Eit edutainment-show om kjensla som knyter oss nærare saman.
Harald Eia ser ikkje på seg sjølv som ein kjenslevar type, men har blitt nysgjerrig på kva som faktisk skjer med han når han blir rørt til gledestårer.

I dette føredraget går han på typisk Eia-vis vitskapleg til verks for å forstå sine eigne og andre sine kjensler. Kvifor blir vi eigentleg rørt, og har det nokon funksjon? Kva er det som triggar kjensla av tilhøyrsle? Kva får oss til å gråte av rørande film- og TV-augneblink?

Han er kjent for si evne til å kombinere humor og vitskap på ein unik og engasjerande måte, og her kan du forvente ei oppleving som garantert både underheld og inspirerer.

Bli med på ei humoristisk reise om mystikken bak gledestårer med heile Noregs Harald Eia!

Harald Eia

Harald Eia er mest kjent for humorprogram og karakterar som "Oslolosen" på TV, men har òg ein lidenskap for å formidle kunnskap på ein underhaldande måte. I program som Spillet, Brille og i NRK-serien om det norske samfunnet, Sånn er Norge, har Harald begeistra det norske folket med nye og overraskande innsikter.

Harald er ikkje berre oppteken av komedie, men brenn òg for vitskap. Han er utdanna sosiolog frå UiO, og byrja å lage humorprogram på NRK etter å ha jobba som høgskulelærar i eitt år.

Ved sida av lyd- og bildeproduksjonar har han skrive fleire populærvitskaplege bøker. Født sånn eller blitt sånn handlar om kva psykologiske trekk som er medfødde, og kva som er forma av oppseding og samfunnet rundt. Hva forskes det på her? er ei morosam kunnskapsbok sprungen ut av TV-programmet Brille.