Livet ass er eit kritikarrost, morosamt og personleg show om Dora, som hamna i ei livskrise då kjærasten hennar fekk kreft i halsen. I denne krisa trong ho hjelp, så ho dykka ned i sitt indre beredskapslager av kunnskap 
– alt vi er blitt fôra med gjennom livet – på jakt etter noko som kunne gjere det lettare å stå i alt saman.

Showet Livet ass handlar om alt rælet ho fann der, alt fjaset vi er blitt utsette for: Kva lærte vi eigentleg av Tornerose, Snøhvit og dei andre eventyra? 
Eller barnesongar – kva er bodskapen i Mikkel Rev, eigentleg? Og er det noko å hente frå timane med Rubiks kube eller moralen i Dirty Dancing? Kvar vart det av 
opplæringa til livet?!

Men showet handlar òg om korleis det eigentleg er å vere pårørande. Det alvorlege, skamfulle og vonde får òg plass i denne framsyninga, 
sjølv om det er eit standup-show.

Kort fortalt: ei svært humoristisk framsyning, ispedd litt livserfaring om kva som skjer når du gir altfor mykje … Dette er Doras fjerde soloshow, 
som umiddelbart vart ein publikumssuksess med utselde kulturhus landet rundt.