«HEIMKOMST»
PROSJEKTUTSTILLING
GATEKUNST OG SILKETRYKK – TØDDEL OG KUNSTSKULE-ELEVAR
Dagane 17. – 19.april skal fordjupingsgruppa i visuell kunst ved Sunnfjord Kulturskule, saman med Roy Håvard Løseth (TØDDEL), gjennomføre ei travel og spanande verkstadhelg. Gjennom desse dagane skal dei jobbe med biletskaping i silketrykk, og dei skal – ikkje minst – ut i det offentlege romet og utføre eit gatekunstprosjekt.
Sundag 19.april kl 1800 vert det opning av utstillinga «Heimkomst» i Utstillingssalen i Førdehuset, med elevarbeid i silketrykk frå verkstadhelga og kunst av TØDDEL. Utstillinga, som vert ei salsutstilling, er open for alle, med gratis adgang. Utstillinga står fram tom 26.april.
Prosjektet er kome i stand i eit samarbeid mellom Sunnfjord Kulturskule og Sunnfjord Kunstlag.
Opningstider, utstillinga "Heimkomst":
Tysdag 21. april kl. 1800 – 2000, Torsdag 23. april kl. 1800 – 2000, Laurdag 25. april kl. 1300 – 1600, Sundag 26. april kl. 1400 – 1800
SAMTALE-ETTERMIDDAG 20.APRIL – KUNST OG POLITIKK
Måndag 20.april kl. 18.00 – 19.00 innbyr Sunnfjord Kunstlag, Sunnfjord Bibliotek og Førdehuset 50 år til ein samtaletime mellom TØDDEL og Fridtjov Urdal, kring temaet KUNST og POLITIKK. Denne vil finne stad i Utstillingssalen. Fritt tilgjenge.
FØREDRAG og WORKSHOP
Etter samtaletimen i Utstillingssalen vert det kl 19.00 – 20.30 skipa til ein workshop i biblioteket med Norec og Spire, der Naturvernforbundet er medarrangør.
Enkel servering.
